|
Foreldrafélög
Foreldrafélög eru frjáls
félagasamtök/samtök foreldra sem hafa það hlutverk að styðja við
skólastarfið og efla tengsl foreldra, bæði innbyrðis og við
skólann. Hlutverk samtakanna er jafnframt að skapa vettvang
fyrir samstarf og samstöðu meðal foreldra. Góð samskipti
foreldra auðvelda samráð og samstöðu í uppeldinu.
- Stjórn
foreldrafélagsins er kosin á aðalfundi sem æskilegast er að
haldinn sé að vori.
- Stjórnin
mótar stefnu og áherslur í starfi í samráði við
skólastjórnendur, bekkjarfulltrúa og nemendaráð.
- Markmið
starfsins er að stuðla að vellíðan nemenda og bættum
námsárangri með því að auka samskipti foreldra og styrkja
skólabraginn.
- Stjórnin
sér til þess að verkefnum sé skipt milli foreldra þannig að
sem flestir taki þátt í undirbúningi og framkvæmd a.m.k.
eins verkefnis yfir veturinn.
Einn mikilvægasti hluti starfs
foreldrafélagins er uppbygging bekkjarstarfsins en það er einn
besti samráðs- og samstarfsvettvangur foreldra í uppeldinu. Í
þessu starfi gegna bekkjarfulltrúar afar mikilvægu hlutverki.
Markmið starfsins er að stuðla að samstarfi og samskiptum
nemenda, foreldra, kennara og annarra starfsmanna skóla.
- Æskilegt
er að bekkjarfulltrúar, kosnir af foreldrum, séu tveir í
hverjum bekk/hópi.
- Þeir
gegna hlutverki verkstjóra sem hafa jákvæða hvatningu að
leiðarljósi.
- Þeir
halda utan um dagskrá sem er ákveðin í sameiginlegum fundi
foreldra í bekknum að undangenginni athugun á viðhorfum og
óskum barnanna.
-
Bekkjarfulltrúar eru jafnframt tengiliðir bekkjarins við
foreldrafélög og foreldraráð skóla.
|
